Klimmerblêd (klimop).
Klimmerblêd is de offisiële Fryske namme foar de klimop. Neist klimmerblêd wurdt yn it Frysk ek wol klimmer (beam) en klimop brûkt. De measten kinne de klimmer fansels wol, want it is in algemiene plant.
De klimmer hat donkergriene blêden en klimt by muorren en beamen op of krûpt oer de grûn. Oan de takken sitte hechtwoartels (of klimwoartels) wêr 't er himsels mei oan 'e muorren of beamen fêstset.
It eigenaardige fan dizze plant is dat er yn 'e hjerst bloeit. Yn augustus sitte der oan âlde planten al takjes mei blêden, dy 't in oare foarm ha as de 'gewoane' blêden, dy 't in oare foarm ha as de 'gewoane' blêden; se binne net ynsnien.
Oan it ein komt in bol fan blomkes, dy binne wat grien - giel fan kleur. Nei de bloei sjogge we de beikes groeien. De oare maityd binne se ryp, se binne dan swart fan kleur.
Noch in eigenaardichheid fan it klimmerblêd: as men in stekje makket fan dizze blomtakke, komt der -ha ik lêzen, mar noch net besocht- in net klimmende strûk fan, mei blêden lyk as de bloeiende takken.
Ik soe sizze: "Besykje it ris om te sjen of it wier is".
Oeds Hoekstra, Burgum.
