Tuorrebouten (lisdodden).
Wa soe de tuorrebout net kinne? Yn 'e simmer en de hjerst kinne wy de moaie brúne segaren tusken it reid en yn de sleatten stean sjen.
Der binne twa soarten: de lytse tuorrebout (kleine lisdodde) en de grutte tuorrebout (grote lisdodde).
Yn 'e maityd en it begjin fan de simmer as se bloeie binne der twa segaren boppe elkoar oan deselde stâle. Yn 'e boppeste segaar sitte allegearre manlike blomkes mei blomstêfkes (meeldraden) dy 't it blommemoal (stuifmeel) meitsje.
Yn 'e ûnderste segaar sitte de froulike blomkes mei de stampers. It blommemoal giet mei de wyn trich de loft nei de stamperblomkes fan de oare tuorrebouten. De blomkes fan de ûnderste segaar wurde befruchte. Dizze ûnderste segaar wurdt letter yn 'e simmer de moaie brune tuorrebout.
Wat is it verskil tusken de beide soarten?
De grutte tuorrebout is donkerbrún, hast swart, de lytse is folle ljochterbrún. De grutte is dikker as de lytse. As se bloeie sit der by de lytse tusken de twa segaren in pear sintimeter stâle, by de grutte sitte de segaren deun tsjin inoar oan.
Oeds Hoekstra, Burgum.
foto links: grutte tuorrebouten.
