fjildpraet

©

opmaak en redactie

website: P.v.d. Galiën

aangesloten bij de BFVW

opgericht: 21 maart 1946

Vogelwacht "Akkerwoude e.o."

klik op de tekening

De noch keale beamen.

As de blêden fan 'e beamen ôf binne sitte de knoppen der al wer oan. Bij elke knoop fan in takje kin men ien of twa knoppen fine.

Elke beam hat syn eigen foarm en kleur knoppen. Se kinne lyts, grut, rûn, puntich, swart, brún, kleverich en neam mar op wêze.

Litte we mar ris in pear wat better besjen. Earst mar in pear wêr 't 2 knoppen by in knoop sitte.

Oeds Hoekstra, Burgum.

elzebeam (els)

De knoppen sitte oan stâltjes en se binne wat pearseftich.

boek (beuk)

Hjir binne de knoppen lang, smel en puntich. Se groeie wat van it takje ôf.

bjirk (berk)

Knoppen lyts en aairûn, de kleur is grienbrún of readbrún en se binne faak wat kleverig.

iperenbeam (iep)

De knoppen binne lyts, faak in bytsje puntich. De kleur is donkerbrún en se binne in bytsje dûnzich.

linebeam (linde)

Hjir sitte twa skobben om de knop hinne. De knop is keal en de kleur is readbrún.

wylch (wilg)

De knoppen sitte stiif tsjin it takje oandrukt en der sit mar ien skobbe omhinne.

iik (eik)

Om de einknop hinne sitte in pear sydknoppen. De knoppen binne aaifoarmich.

eskdoarn (esdoorn)

De knoppen binne grien (faak mei in brún rântsje) en se binne aaifoarmich.

papsûger, kamperfoelje (kamperfoelie)

De takke is frij slop en men kin sjen dat er om oare takken hinne wine wol. De knoppen rinne al yn 'e winter út. Bij de oare beamen steane de knoppen ôf wikseljend (om en om).

kastanje (paardenkastanje)

De knopskobben binne brún en tige kleverig.

esk (es)

De knoppen binne dof-swart, se binne breed en koart, de einknop is fierwei de grutste.