Bourmanskwea (knopkruid).
In fremde namme foar in plantsje: buormanskwea.
Yn it Nederlânsk is de namme: knopkruid. Eins heart dizze plant hjir net thús. It is in plant út Súd - Amerika.
Sa 'n 140 jier lyn is er ek foar it earst yn Nederlân fûn. Earst wreide it buormanskwea him hast net út, mar sa 'n 60 jier lyn krige er de guit te pakken.
It wreide him doe út oer hiel Nederlân. As jo buorman it yn 'e tún hie, krigen jo it grif ek (bourmanskwea).
It is in plant mei lytse blomkes: in giel hertsje mei fiif lytse wite lintblomkes der omhinne. Oan de stâlen sitte de blêden tsjin elkoar oer.
Ien plant makket in hiel protte siedsjes. As jo him ienkear yn 'e tún ha, reitsje jo him hast net wer kwyt.
Oeds Hoekstra, Burgum.
